Joan Laporta "Barselona"ga yulduz futbolchini olib kelmoqchi. Gap "Atletiko" hujumchisi Xulian Alvares haqida ketmoqda. Aytishlaricha, aynan shu futbolchi bilan "Barselona" hujum chizig'ida yoshi katta Robert Levandovski o'rnini to'ldirmoqchi.

Transfer News Live nashrining Marca nashriga tayanib xabar berishicha, Alvares "Barselona"ning orzusi bo'lib qolmoqda. Bu transferni amalga oshirish uchun Laporta katta sotuvlarga tayyor.

"Laporta Alvaresni sotib olishga urinib ko'rish uchun mablag' yig'ish maqsadida klubning muhim o'yinchisi yoki qimmatbaho aktivlarini katta miqdorda sotishni ma'qullashga tayyor," - deb yozadi manba.

Nufuzli Transfermarkt portali 25 yoshli Xulian Alvaresni 100 million evroga baholamoqda.