"Chelsi" azaliy raqibi bilan "Barselona" etakchisi transferi uchun kurashishga tayyor.

CaughtOffside nashri manbalarining ma'lum qilishicha, "ko'klar" vakillari Mark Kasado uchun 35 million evrolik taklif tayyorlashgan, ammo ular "Arsenal" tomonidan raqobatga uchrashi mumkin.

Avvalroq, 22 yoshli Kasado kelasi yili "Barsa"ni tark etishi mumkinligi haqida xabarlar tarqalgan edi. Uning klub bilan amaldagi shartnomasi 2028 yilning iyun oyi oxirigacha mo'ljallangan. Transfermarkt saytida uning narxi 30 million evroga baholanmoqda.

Bu mavsumda Mark Kasado "Barselona" safida barcha musobaqalarda 15 ta o'yinda maydonga tushib, bitta golli uzatmani amalga oshirdi.