Flik de Yong, Lopes va "Barselona"ning yana bir necha futbolchisining holati haqida gapirdi.

"Barselona" bosh murabbiyi Xans-Diter Flik La Liga doirasidagi "Betis"ga qarshi o'yin oldidan o'tkazilgan matbuot anjumanida chiqish qildi. Germaniyalik mutaxassis kadrlar bilan bog'liq savollarga javob berdi.

"Fermin Lopes bir necha daqiqa o'ynay oladi, deb o'ylayman. Ammo dastlabki daqiqalardanoq maydonga tusha olishiga ishonchim komil emas. De Yong boshlang'ich tarkibda tushishi mumkinmi? Umuman olganda, ha, u o'ynay oladi.

Olmoni yo'qotish? U yuqori saviyada o'ynadi, ammo futbolda bunday holatlar bo'lib turadi. Gavi? Uning ahvoli yaxshi. Seshanba kuni u jamoa bilan g'alabani nishonlash uchun maydonga yugurib chiqdi. U qaytgach, yanada kuchliroq bo'ladi", - dedi Flik jurnalistlarga.

"Barselona" La Ligada "Real"ni 1 ochkoga ortda qoldirib, peshqadamlik qilmoqda.