"Barselona" bosh murabbiyi Xans-Diter Flik murabbiylik faoliyatidagi eng qiyin narsa nima, degan savolga javob berdi.

"Mening ishimda eng qiyini - faqat 11 futbolchi o'ynay olishi. O'ynamayotganlar norozi bo'lishi normal holat. Lekin buni qabul qilish kerak. Barcha futbolchilar va ayniqsa, o'ynamayotganlar bilan gaplashishga harakat qilaman.

Men o'zim professional futbolchi bo'lganman va ularning fikrlarini bilaman. Ular kasbdan zavq olishlari kerak. Zaxirada bo'lishni to'g'ri boshdan kechirish kerak", - dedi Flik matbuot anjumanida.

6 dekabr, shanba kuni "Barselona" safarda "Betis" mehmoni bo'ladi.