"Komo" bosh murabbiyi Sesk Fabregas klubni tark etish niyatida emas, ammo ma'lum sharoitlarda o'z pozitsiyasini o'zgartirishi mumkin.

Ispaniyalik mutaxassis Italiyada ajoyib ishlarni amalga oshirmoqda, shuning uchun unga bo'lgan talab ortib bormoqda. Diario Sport xabariga ko'ra, 38 yoshli mutaxassis "Barselona" yoki "Manchester Siti"dan taklif olsagina, "Komo"ni tark etishga tayyor.

O'tgan yozda Fabregasni Milanning "Inter" klubi o'z safiga qo'shib olishga uringan edi. So'nggi paytlarda mashhur sobiq yarim himoyachini Madridning "Real" klubi bilan ham bog'lashgandi.

"Komo" A Seriya 13-turidan keyin 24 ochko bilan musobaqa jadvalida beshinchi o'rinda bormoqda.