"Barselona" klubi qanot hujumchisi Runi Bardji Angliya premer-ligasiga ko'chib o'tishi mumkin. Bu haqda MOT Leeds News xabar bermoqda.

Manbaga ko'ra, "Lids" 20 yoshli shvetsiyalik futbolchini qishki transferlar davrida ijaraga olish imkoniyatini ko'rib chiqmoqda. Biroq, o'tish Bardjining so'nggi boshlang'ich tarkibda paydo bo'lishi bilan murakkablashadi. Ispaniya chempionatining o'tgan turida "Betis"ga qarshi kechgan bahsda (5:3) u maydonda 68 daqiqa harakat qilib, bitta gol urdi va bitta golli uzatmani amalga oshirdi.

Joriy mavsumda Bardji barcha musobaqalarni hisobga olgan holda o'nta uchrashuvda qatnashib, bitta gol urdi va ikkita samarali uzatma muallifiga aylandi.