"Barselona"ning 28 yoshli braziliyalik yarimhimoyachisi Rafinya Kataloniya klubini tark etishi mumkinligi haqidagi mish-mishlar haqida gapirdi.

"Shuncha bema'ni gapni qaerdan olishayotganini rostdan ham bilmayman. Doimiy ravishda soxta yangiliklar paydo bo'lmoqda, bu juda kulgili", - deya Rafinyaning so'zlarini keltiradi Mundo Deportivo.

Avvalroq matbuotda Saudiya Arabistoni futbolchisi uchun foydali taklif borligi, shuningdek, agar jiddiy taklif tushsa, 2026 yilgi jahon chempionatidan keyin o'tish bo'yicha sport direktori Deku bilan og'zaki kelishuv borligi haqida xabar berilgandi.

Rafinya joriy mavsum klub safida barcha musobaqalarda 11 ta o'yinda maydonga tushib, 4 ta gol urdi va 3 ta golli uzatmani amalga oshirdi.