"Kristal Pelas" markaziy himoyachisi Mark Gexi joriy qishdayoq "Barselona"ga o'tishi mumkin. Bu haqda jurnalist Ekrem Konur xabar berdi.

Manbaga ko'ra, "Barselona" 1 yanvar kuni Gexi bilan yozgi transfer bo'yicha dastlabki kelishuvga erishmoqchi. Ammo Ronald Arauxo ruhiy holatini tiklay olmasa, kataloniyaliklar Gexi transferini darhol amalga oshirishi mumkin.

Ta'kidlanishicha, "Liverpul", "Manchester Yunayted", "Chelsi", "Tottenxem", "Inter", "Yuventus", "Real", "Atletiko" va "Bavariya" vaziyatni kuzatishda davom etmoqda.

Bu mavsumda 25 yoshli Gexi barcha musobaqalarda 23 ta o'yinda maydonga tushib, 2 ta gol urdi va 4 ta golga assistentlik qildi.