"Barselona" prezidenti Joan Laporta, shuningdek, "ko'k-anorranglilar"ning sobiq bosh murabbiylari Luis Enrike va Ernesto Valverde 12 dekabr, juma kuni sud oldida guvoh sifatida chiqish qilib, Negreyra ishi bo'yicha ko'rsatma beradi. Bu haqda Marca xabar bermoqda.

Manbaga ko'ra, sud Enrike va Valverdega hakamlar texnik qo'mitasi (CTA) sobiq vitse-prezidenti Xose Mariya Negreyra Kataloniya klubi uchun hakamlar bo'yicha hisobot tayyorlagani ma'lum bo'lgan yoki yo'qligini aniqlashi kerak.

Ikkala murabbiy ham o'z jamoalari bosh murabbiyi sifatida Barselonaga kela olmayotgani uchun videoaloqa orqali bayonot berishi rejalashtirilgan. Bunda Laporta shaxsan o'zi sudga keladi.