«Barselona» bosh murabbiyi Xans-Diter Flik Ispaniya La Ligasining 16-turida «Osasuna»ga qarshi o'yinda (2:0) jamoasi g'alaba qozonganidan so'ng «Real» haqida fikr bildirdi.— Men raqiblar haqida gapirishni istamayman. Bu mening ishim emas. Agar g'alabamiz raqibga bosim o'tkazsa, bu ularning muammosi. Biz xuddi shu darajada o'ynashda davom etishimiz kerak. Biz tiklandik, yaxshi o'ynayapmiz, tarkibda deyarli barcha o'yinchilar bor, aksariyati 100 foizga yaqin tayyor. Qolgani meni qiziqtirmaydi, — deya Flikning so'zlarini AS nashri keltiradi.Ispaniya chempionatida 17 ta o'yindan so'ng «Barselona» 43 ochko jamg'arib, turnir jadvalida peshqadam bo'lib turibdi. «Real» esa 16 ta uchrashuvdan keyin 36 ochko bilan ikkinchi o'rinni egallab turibdi.