"Deportivo Gvadalaxara" bosh murabbiyi Pere Marti Ispaniya kubogi doirasida "Barselona"ga qarshi o'yin oldidan jamoa maydonidagi holat haqida gapirdi.

Ispaniya 3-divizioni jamoasi musobaqaning 1/16 finalida "blaugrana"ni qabul qiladi. Uchrashuv 16 dekabr kuni bo'lib o'tadi. Marti diskvalifikatsiya tufayli murabbiylar o'rindig'idan o'z shogirdlarini boshqara olmaydi.

"Men halol bo'lishim kerak. Hozir bu maydon holati bo'yicha dunyodagi eng yaxshi stadion emas.

Bu borada ko'p qiyinchiliklarga duch keldik, garchi uni mukammal qilish uchun qo'limizdan kelganini qilsak ham. Bu "Kamp Nou" yoki "Santyago Bernabeu" emas.

Ochig'ini aytaylik, birinchi navbatda o'zimizning o'yin uslubimiz va futbolchilarimiz tufayli maydon yaxshi holatda bo'lishini xohlaymiz", - dedi Pere Marti.