"Barselona" bosh murabbiyi Xans-Diter Flik qishki transferlar davrida tarkibning kuchayishiga umid qilmoqda.

Germaniyalik murabbiy klub rahbariyatiga yanvar oyida yangi markaziy himoyachi sotib olish zarurligini ma'lum qildi, deb xabar beradi Sport. Mutaxassis qanot himoyachilari bilan bog'liq vaziyatdan ham xavotirda, shu bois, katta ehtimol bilan, bozorda qanotda o'ynay oladigan markaziy himoyachiga ustunlik beriladi.

"Barselona" La Liga turnir jadvalida 46 ochko bilan peshqadamlik qilmoqda va bu borada "Real" (42), "Atletiko" (37) va "Vilyarreal" (35) klublarini ortda qoldirmoqda.