Xalqaro futbol tarixi va statistika federatsiyasi (IFFHS) yilning eng yaxshi murabbiylari reytingi e'lon qildi.Klublar toifasida birinchi o'rinni «PSJ» bosh murabbiyi Luis Enrike egalladi — 222 ochko. Ikkinchi o'rinda Entso Mareska («Chelsi», 60), uchinchi pog'onada esa Xans-Diter Flik («Barselona», 57) joy oldi. Shuningdek, kuchli beshlikka Vensan Kompani («Bavariya», 42) va Mikel Arteta («Arsenal», 24) kirdi.Terma jamoalar murabbiylari orasida esa Luis de la Fuente (Ispaniya) ketma-ket ikkinchi bor eng yaxshi deb topildi — 136 ball. U bilan birga birinchi beshlikdan Roberto Martines (Portugaliya, 83), Lionel Skaloni (Argentina, 59), Stole Solbakken (Norvegiya, 48) hamda Tomas Tuxel (Angliya, 41) o'rin oldi.