"Barselona" forvardi Robert Levandovski kelajagi haqidagi fikrlari bilan o'rtoqlashdi.

Futbolchining kataloniyaliklar bilan amaldagi shartnomasi yarim yildan so'ng o'z nihoyasiga etadi. Bitimni uzaytirish bo'yicha muzokaralar hali olib borilmayapti.

"Menda qaror qabul qilish uchun vaqt bor. Ayni damda kelajakda qaerda o'ynashni xohlayotganimni bilmayman. Qaerda bo'lishimni bilmayman, lekin hech qanday bosim yo'q. Ko'p narsa klubning rejalari va mening xohishimga bog'liq bo'ladi," - deya polshalik yulduzning javobini keltiradi jurnalist Fabritsio Romano.

Robert Levandovski 2022 yilning yozidan beri "Barselona" sharafini himoya qilmoqda. Kelasi yilning avgust oyida hujumchi 38 yoshga to'ladi.