Jahon futboli yulduzi Lionel Messi Kataloniyaning "Barselona" klubiga qaytishi mumkin, ammo futbolchi sifatida emas. Bu haqda El Nacional jurnalistlari xabar berdi.

Manbaga ma'lum bo'lishicha, "ko'k-anorranglilar" kelajakda argentinalik futbolchini klub tizimida rahbarlik lavozimlariga taklif qilish variantini ko'rib chiqmoqda.

Eslatib o'tamiz, Messi "Barselona" tarbiyalanuvchisi hisoblanadi. U 2005 yildan 2021 yilgacha asosiy jamoada o'ynagan.

Hozirda Lionel Amerikaning "Inter Mayami" jamoasida o'ynamoqda. Hujumchining klub bilan mehnat shartnomasi 2028 yil oxirigacha mo'ljallangan. 38 yoshli futbolchining transfer narxi 15 million evroni tashkil etadi.