"Barselona" hujumchi Robert Levandovskining klubni tark etishi bilan bog'liq reja tuzdi. Bu haqda AS xabar bermoqda.

Manbaga ko'ra, "ko'k-anorranglilar" polshalik futbolchining o'rniga yangi forvard olishga shoshilmaydi. "Barselona"dagilar hujumchi ketgan taqdirda uning o'rnini Ferran Torres bosa olishiga ishonmoqda.

Robert Levandovski 2022 yilda "Bavariya"dan 45 mln evro evaziga "Barselona"ga o'tgandi. Hujumchi joriy mavsum Kataloniya klubi safida 18 ta o'yinda maydonga tushib, 8 ta gol urdi va 2 ta golli uzatmani amalga oshirdi.