"PSJ" "Manchester Yunayted"ga tegishli bo'lgan "Barselona" forvardi Markus Reshford xizmatiga qiziqish bildirmoqda.

Marca xabariga ko'ra, parijliklar hujumchi transferi uchun "qizil iblislar"ga 50 million evro taklif qilmoqchi. Futbolchining Kataloniya klubi bilan ijara shartnomasida sotib olish imkoniyati bor, u 30 million evroni tashkil qiladi.

"Barselona" Markus Reshfordni 2025 yilning yozida "Manchester Yunayted"dan joriy mavsum yakuniga qadar ijaraga oldi. Joriy mavsumda angliyalik futbolchi "ko'k-anorranglilar" safida barcha musobaqalarda 27 ta o'yinda maydonga tushib, ettita gol urdi va 11 ta golli uzatmani amalga oshirdi. Transfermarkt portali Reshfordning narxini 40 million evroga baholamoqda.