Kataloniyaning "Barselona" klubi yulduz vingeri Rafinya 18 yoshli xavbek Dro Fernandesning jamoadan ketishiga yo'l qo'ymaslikka harakat qildi. Bu haqda ijtimoiy tarmoqdagi Touchline akkaunti xabar berdi.

Braziliyalik futbolchi Ispaniya Superkubogi finalida "Real" ustidan qozonilgan g'alabadan keyin klub tarbiyalanuvchisi bilan shu mavzuda suhbatlashdi. "Ko'k-anorranglilar" "qirollik klubi"ni 3:2 hisobida mag'lub etib, sovrinni qo'lga kiritdi.

Droning yangi klubi "PSJ" bo'lishi kutilmoqda. Yarim himoyachining transferiga shaxsan Parij grandi bosh murabbiyi Luis Enrike qiziqish bildirmoqda. Fernandesning shartnomasida ko'rsatilgan tovon puli olti million evroga teng.