"Barselona" darvozaboni Mark-Andre ter Shtegen "Jirona"ga ketganidan keyin qancha mablag'ni tejab qolishi mumkinligi haqida ma'lumotlar paydo bo'ldi.

Avvalroq "ko'k-anorranglilar" o'z darvozabonini ijaraga qo'yib yuborgani ma'lum bo'lgandi. U bugun tibbiy ko'rikdan o'tishi kerak.

Barca Universal nashri tarqatgan xabarga ko'ra "Barselona" ter Shtegenning maoshidan 500 ming evro iqtisod qiladi. Aynan shuncha pulni "Jirona" germaniyalik futbolchiga to'laydi.

Eslatib o'tamiz, ter Shtegen joriy mavsumda bor yo'g'i bitta o'yin o'tkazdi.

33 yoshli germaniyalikning "Barselona" bilan amaldagi mehnat shartnomasi 2028 yilning yozigacha mo'ljallangan.