"PSJ" klubi "X" ijtimoiy tarmog'idagi rasmiy sahifasida "Barselona" yarim himoyachisi Dro Fernandesni o'z safiga qo'shib olganini e'lon qildi. 18 yoshli ispaniyalik futbolchi bilan 4,5 yillik shartnoma imzolandi.

Insayder Fabritsio Romanoning yozishicha, Parij klubi futbolchining huquqlarini 6 million evroga sotib olish bandini faollashtirgan.

Fernandes "ko'k-anorranglilar"ning asosiy jamoasidagi debyutini 2025 yil sentyabrida o'tkazdi. U La Ligada 4 ta va Chempionlar Ligasida 1 ta o'yin o'tkazib, golli uzatmani amalga oshirdi.