«Barselona» prezidenti Joan Laporta Mundo Deportivo gazetasining 120 yilligiga bag'ishlangan tadbirda jamoa bosh murabbiyi Xansi Flik haqida fikr bildirdi.

«Agar men yana prezident bo'lsam, Flik “Barselona”ni istaganicha boshqaradi. Biz uchun bunday tajriba va bilimga ega inson jamoada bo'lishi juda muhim edi. U nafaqat ajoyib murabbiy, balki ajoyib inson ham.

U bilan shartnoma imzolagan kunimizyoq muhim ish qilayotganimizni angladik. Chunki u haqiqiy murabbiy va yosh futbolchilarni tajribalilar bilan to'g'ri boshqara oladi.

U hozirgi “Barselona” uchun ideal murabbiy. U orqali jamoa hozir juda yaxshi davrni boshdan kechirmoqda», — dedi Laporta.

Eslatib o'tamiz, mart oyida jamoada prezidentlik saylovi bo'lib o'tadi.