"Albasete" bosh murabbiyi lavozimida ishlab kelayotgan Alberto Gonsales Ispaniya kubogi chorak finalidan o'rin olgan "Barselona"ga qarshi o'yin oldidan o'z fikrlarini bildirib o'tdi.

"Biz o'z ishimizni yaxshi bajarish orqali ularni to'xtata olamiz. Birinchi qadam - hujumni to'xtatish va buni amalga oshirganimizdan so'ng, bizda oz bo'lsa-da, imkoniyatlar bo'lishini tushunishimiz kerak", - deya murabbiyning so'zlarini keltiradi Marca.

"Albasete" Ispaniya futbolining ikkinchi eng kuchli divizioni bo'lgan Segunda divizionida o'ynaydi. Ispaniya Kubogining 1/8 finalida Gonsales shogirdlari sensatsion tarzda Madridning "Real" klubini 3:2 hisobida mag'lubiyatga uchratdi.