"Barselona" bosh murabbiyi Xans-Diter Flik Deku bilan hamkorlik haqida fikr bildirdi. Portugaliyalik mutaxassis Kataloniya klubida sport direktori lavozimida faoliyat yuritadi.

"Men Deku bilan ishlashdan juda mamnunman. Oramizda ishonch bor. Biz bir xil futbolchilarni qidiramiz va bir xil falsafaga amal qilamiz. Bizga xotirjam ishlash uchun imkoniyat berishmoqda. Ilgari menda hech qachon bunday bo'lmagan va men buni juda qadrlayman", — dedi Flik juma kungi matbuot anjumanida.

"Barselona" Ispaniya chempionatida peshqadamlik qilmoqda va ikkinchi o'rindagi "Real"ni bir ochkoga ortda qoldirmoqda. Kataloniyaliklar ayni damda La Liga doirasidagi "Malorka"ga qarshi kechadigan o'z uyidagi o'yinga tayyorgarlik ko'rishmoqda. Bahs 7 fevral kuni Toshkent vaqti bilan 20:15 da boshlanadi.