"Barselona" La Liganing 23-turida "Malorka"ni 3:0 hisobida mag'lub etdi. Bu "ko'k-anorranglilar" uchun Xans-Diter Flik boshqaruvi ostidagi 96 ta o'yinda qayd etilgan 31-yirik g'alaba bo'ldi.

Germaniyalik mutaxassis qo'l ostida "Blaugrana" "Atletik" (3:0, 4:0, 5:0), "Valensiya" (7:1, 5:0, 6:0) va endilikda "Malorka"ni (5:1, 3:0, 3:0) uch martadan yirik hisobda taslim etishdi.

Shuningdek, "Barselona" "Real Madrid" (4:0, 5:2), "Sevilya" (5:1, 4:1) va "Jirona"ni (4:1, 4:1) ikki martadan tor-mor etgan.

Bundan tashqari, "Valyadolid" (7:0), "Vilyarreal" (5:1), "Yang Boyz" (5:0), "Alaves" (3:0), "Bavariya" (4:1), "Tsrvena Zvezda" (5:2), "Brest" (3:0), "Barbastro" (4:0), "Betis" (5:1), "Real Sosedad" (4:0), "Borussiya" (4:0), "Olimpiakos" (6:1) va "Ovedo" (3:0) jamoalari ustidan ham yirik g'alabalar qo'lga kiritilgan.

Flik 2024 yildan buyon "Barselona"ni boshqarib kelmoqda. O'tgan mavsumda klub Ispaniya chempioniga aylandi.