«Barselona» va Ispaniya terma jamoasi hujumchisi Lamin Yamal Ispaniya La Ligasi 2025/2026 yilgi mavsumi 24-turidan o'rin olgan «Jirona»ga qarshi bahsda penaltini golga aylantira olmadi. Futbolchi o'z faoliyatida ilk bor o'yinning asosiy vaqtida «nuqta»dan berilgan zarbada xatoga yo'l qo'ydi.

Yamal bungacha bo'lgan mavsumlarda kataloniyaliklar safida va Ispaniya terma jamoasida uch martadan penaltini aniq amalga oshirgan edi. Ta'kidlash joizki, hujumchi bundan avval Millatlar ligasi doirasidagi Niderlandiyaga qarshi kechgan uchrashuvning o'yindan keyingi penaltilar seriyasida adashgan edi. Joriy klub mavsumidagi 31 ta o'yinda Lamin 15 ta gol va 13 ta golli uzatmani o'z hisobiga yozib qo'ydi.

Hozirgi vaqtda «Barselona» 58 ochko bilan Ispaniya oliy divizioni turnir jadvalida ikkinchi o'rinni egallab turibdi. Keyingi turda «ko'k-anorranglilar» 22 fevral kuni o'z maydonida «Levante»ni qabul qiladi.