"Yuventus" hujumchisi Krishtianu Ronaldu «Instagram» orqali 2019 yilda pul ishlab topgan sportchilar ro'yxatida eng yuqori pog'onani egalladi. "BuzzBingo" tarqatgan xabarga ko'ra, portugaliyalik futbolchi o'tgan yili mazkur ijtimoiy tarmoq orqali 50,3 million dollar ishlab topgan. Bir yil davomida u 43ta reklama postini e'lon qildi (har bir reklama 1,17 mln dollar). Bu Krishtianuning "Yuventus"dagi yillik maoshidan (33 mln dollar) ko'p demakdir.Ikkinchi pog'onani "Barselona" hujumchisi Lionel Messi egalladi. U o'tgan yili o'z hisobini «Instagram» orqali 30,4 mln dollarga to'ldirdi. Uchinchi pog'onani esa hindistonlik kriketchi Virat Koxli band etdi (15,7 mln dollar). Devid Bekxem (11,6 mln) va Neymar (8,1) esa kuchli beshlikka kirdi.