Sobiq hakam Eduardo Iturralde Gonsales La Liga 24-turidan o'rin olgan «Barselona» bilan derbida (2:1) «Jirona»ning ikkinchi goli inobatga olinganidan norozi.

O'yinning 86-daqiqasida Fran Beltran gol urishidan oldin, «Jirona» yarim himoyachisi Klaudio Echeverri to'pni o'ziga to'g'irlab olayotganda «Barsa» himoyachisi Jyul Kundening oyog'iga butsasining tishi bilan zarba bergan. Frantsuz futbolchisi yiqilgan, shundan so'ng Echeverri to'pni Xoel Rokaga uzatgan, u esa Beltranga golli pas bergan.

Vaziyat VAR hakamlari tomonidan ko'rib chiqildi, biroq bosh hakam Sesar Soto Grado monitor yoniga chaqirilmadi. Yakunda gol hisobga olindi va jamoalar o'yinni markazdan boshlashdi.

«U raqibning oyog'ini bosib oldi va golni hisobga olmaslik kerak edi, chunki Kundega nisbatan fol ishlatildi. Bundan tashqari, ushbu zarba unga (Kundega) o'yinni davom ettirishga xalaqit berdi. Echeverri esa ehtiyotsizlik bilan amalga oshirilgan to'qnashuv uchun sariq kartochka olishi kerak edi», — dedi Iturralde.

pic.twitter.com/odoV4Ai466

— Jules Kounde Out Of Context ????️ (@KoundeOoc) February 16, 2026