Vinger Markus Reshford mavsum yakunlanganidan keyin ham "Barselona"da to'p tepishda davom etadi. "Ko'k-anorranglilar" ingliz futbolchisini "Manchester Yunayted"dan sotib olish huquqi bilan ijaraga olgan edi. Jurnalist Ben Jeykobsning xabar berishicha, ayni damda klublar o'rtasida 28 yoshli futbolchining doimiy transfer narxi borasida kelishmovchiliklar mavjud, biroq kelishuv amalga oshishi deyarli aniq. Barcha tomonlar o'yinchining kataloniyaliklar safiga butunlay o'tishini istamoqda.

Markus Reshford "Barselona"ga o'tish uchun maoshining kamayishiga tayyor. Joriy mavsumda "qizil iblislar" tarbiyalanuvchisi Xans-Diter Flik jamoasi safida 34 ta o'yinda ishtirok etib, 10 ta gol va 13 ta golli uzatmani amalga oshirdi.