"Barselona" bosh murabbiyi Xavi Ernandes hujumchi Robert Levandovskining o'yini haqidagi savolga javob berdi.

“Barselona” so'nggi uchta o'yinning birortasida ham g'alaba qozona olmadi. Hujumchi fevral oyi boshidan buyon "ko'k-anorranglilar"ning 13ta uchrashuvida 5ta gol urdi.

"Levandovski La Liganing eng yaxshi to'purari bo'lib qolmoqda. Ba'zida yomon uzilishlar bo'ladi. Men ijobiy fikrdaman va u hamon raqiblar darvozasi oldida juda xavfli ekanligini ko'raman. Gollar baribir unga ham, butun jamoaga ham keladi”, dedi “Barselona” ustozi o'yindan keyingi intervyusida.

Robert Levandovski 17 ta gol bilan La Liga to'purarlari ro'yxatida peshqadamlik qilmoqda.