«Barselona» bosh murabbiyi Xans-Diter Flik qanot himoyachisi Joau Kanseluning ko'rsatayotgan o'yini haqida fikr bildirdi.

Yakshanba kuni portugaliyalik futbolchi Kataloniya klubiga qaytganidan keyingi ilk golini urdi: lateral «Sevilya»ga qarshi kechgan va 5:2 hisobidagi g'alaba bilan yakunlangan bahsning 60-daqiqasida raqib darvozasini ishg'ol qildi.

«Men Kanseluga moslashib olishi uchun vaqt bergandim, lekin u so'nggi o'yinlarda o'zini ajoyib tarzda ko'rsatmoqda. Joau texnik jihatdan hayratlanarli darajada iqtidorli va bugun u juda foydali bo'ldi — nafaqat gol urdi va hujumda xavf tug'dirdi, balki ofsayd chizig'ini saqlashda ham juda aniq harakat qildi. Uni jamoaga taklif qilish to'g'ri qaror bo'lgan», — dedi Flik.

Joau Kanselu Saudiya Arabistonining «Al-Hilol» klubidan joriy mavsum yakuniga qadar ijaraga olingan.