"Barselona" prezidenti Joan Laporta klubning sobiq yulduzi Lionel Messi bilan bo'lgan munosabatlari haqida to'xtalib o'tdi.

Ma'lumki, argentinalik futbolchining 2021 yilda jamoani tark etganidan so'ng "ko'k-anorranglilar" rahbari bilan o'rtasida kelishmovchiliklar yuzaga kelgan edi.

"Men Messi bilan munosabatlarni yaxshilashdan xursand bo'lardim. Bu boshi berk ko'cha emas. Oxirgi marta ko'rishganimizda hammasi yaxshi edi", — deya Kataloniya grandi prezidentligiga yaqinda qayta saylangan Laportaning so'zlarini keltiradi Managing Barca nashri.

Lionel Messi 2023 yildan beri "Inter Mayami" sharafini himoya qilib kelmoqda. Iyun oyida sakkiz karra "Oltin to'p" sohibi 39 yoshga to'ladi, uning "qo'tonlar" ("Inter Mayami" laqabi) bilan shartnomasi 2028 yilning oxirigacha amal qiladi.