Evropa Chempionlar ligasi 2025/2026 mavsumi 1/8 final javob uchrashuvida "Barselona" hamda "Nyukasl Yunayted" o'rtasidagi bahs bo'lib o'tdi. O'yin Barselona shahridagi "Kamp Nou" stadionida o'tkazildi. Uchrashuvda "Barsa" 7:2 hisobida g'alaba qozondi. Vaholanki, angliyaliklar birinchi bo'limda keskin qarshilik ko'rsatishdi. Buning uchun jamoa katta kuch sarflashiga to'g'ri keldi. Mezbonlar futbolchisi Rafinya 6-daqiqada ham hisobni ochgan bo'lsa, mehmonlar hujumchisi Entoni Elanga 15-daqiqada hisobni tenglashtirdi. 18-daqiqada Mark Bernal kataloniyaliklarni yana oldinga olib chiqdi. 28-daqiqada Elanga dubl qayd etdi. Birinchi bo'limga qo'shib berilgan vaqtda Lamin Yamal penaltidan foydalanib, hisobni 3:2 ko'rinishiga keltirdi.Ikkinchi bo'limda esa kataloniyaliklar raqibni butunlay tor-mor keltirishdi. Fermin Lopes 52-daqiqada to'rtinchi golni urdi. Keyin esa Robert Levandovski 56 va 61-daqiqalarda gol urib, dubl qayd etdi. 72-daqiqada "Nyukasl" himoyachilarining qo'pol xatosidan Rafinya o'z hisobiga yana bir gol yozdi.Eslatib o'tamiz, birinchi uchrashuvda jamoalar 1:1 hisobida durang o'ynagan edi.Evropa chempionlar ligasi, nimchorak final, javob o'yini"BARSELONA" - "N'YuKASL" - 7:2Gollar: Rafinya (6, 72), Mark Bernal (18), Lamin Yamal (45+7-penalti), Fermin Lopes (52), Robert Levandovski (56, 62) — Antoni Elanga (15, 28)Dastlabki o'yin — 1:1