Rafinya «Barselona» safida gol urishda davom etmoqda.

«Ko'k-anorranglilar» vingeri Chempionlar ligasi 1/8 finali doirasidagi «Nyukasl»ga qarshi bahsning 6-daqiqasidayoq hisobni ochdi. Ikkinchi bo'limda esa Rafinya avvaliga Fermin Lopes va Robert Levandovskiga golli uzatma berdi, so'ngra o'z dublini rasmiylashtirdi.

Bu braziliyalik futbolchining barcha turnirlardagi so'nggi beshta uchrashuvdagi 5- va 6-gollari bo'ldi. Bunga qadar u La Ligada «Sevilya» (5:2) bilan o'yinda xet-trik qayd etgan va Ispaniya Kubogida «Atletiko» (3:0) darvozasini ishg'ol qilgan edi.

Umumiy hisobda, Rafinya joriy yildagi 16 ta o'yinda «gol+pas» tizimi bo'yicha 12+4 natijasini qayd etib turibdi.