Yarim himoyachi Bernardu Silva joriy mavsum yakunlanganidan keyin katta ehtimol bilan «Manchester Siti»ni tark etadi.

Defensacentral nashrining xabariga ko'ra, portugaliyalik futbolchi o'z xizmatlarini nafaqat avvalroq xabar berilgan «Barselona»ga, balki «Real Madrid»ga ham taklif qilgan. Madrid klubi yarim himoyachi nomzodini ko'rib chiqishga unchalik ishtiyoq bildirmayapti, «ko'k-anorranglilar» esa hozircha xavbek bilan shartnoma imzolash variantini inkor etishmayapti.

Bernardu Silva 2017 yilda «Monako»dan «Manchester Siti»ga 50 million evro evaziga o'tgan edi. Joriy mavsumda portugaliyalik futbolchi «shaharliklar» safida barcha turnirlarda 42 ta o'yinda maydonga tushib, 3 ta gol urdi va 5 ta golli uzatmani amalga oshirdi.