«Barselona» prezidenti Joan Laporta Lionel Messining Kataloniya klubini tark etganidan afsusdami-yo'qmi, degan savolga javob berdi.

«Men qilishim kerak bo'lgan ishni qildim. Uning «Barselona»da o'ynashda davom etishini istardim, ammo iqtisodiy sabablarga ko'ra buning iloji yo'q edi. Men shunday qarorga kelishga majbur bo'ldim», — deya Laportaning so'zlarini keltiradi Barca Universal.

Lionel Messi 2003 yildan 2021 yilgacha «Barselona» sharafini himoya qilgan. Kataloniya klubi tarkibida argentinalik futbolchi to'qqiz marta La Ligada, sakkiz marta Ispaniya Superkubogida, etti marta Ispaniya Kubogida, to'rt marta Chempionlar Ligasida, shuningdek, uch martadan UEFA Superkubogi va klublar o'rtasidagi jahon chempionatida g'olib chiqqan.