Hujumchi Markus Reshford katta ehtimol bilan shu yozda «Manchester Yunayted»ni butunlay tark etadi.

Mundo Deportivo nashri bergan ma'lumotlarga ko'ra, hattoki kataloniyaliklar safida ijara asosida to'p surayotgan ingliz futbolchisini «Barselona» sotib olish huquqini faollashtirmagan taqdirda ham, «qizil iblislar» uni jamoada olib qolmoqchi emas. Buning asosiy sababi — hujumchining amaldagi shartnomasi «Manchester Yunayted»da joriy etilgan yangi ish haqi tizimiga to'g'ri kelmasligidir.

Eslatib o'tamiz, Markus Reshford joriy mavsum yakuniga qadar ijara asosida «Barselona»ga o'tgan edi. «Ko'k-anorranglilar»da futbolchini 30 million evro evaziga sotib olish imkoniyati mavjud. Joriy mavsumda ingliz futbolchisi kataloniyaliklar safida 39 ta o'yinda maydonga tushib, 10 ta gol urdi va 13 ta golli uzatmani amalga oshirdi.