«Barselona» himoyachisi Joau Kanselu jamoaning Chempionlar Ligasidagi maqsadi haqida gapirdi. Portugaliyalik futbolchining so'zlariga ko'ra, kataloniyalik futbolchilar Evropaning bosh klub turnirida g'olib chiqishni orzu qilishmoqda.

«Kiyinish xonasidagi har bir kishi Chempionlar Ligasida g'olib chiqishni orzu qiladi. Ammo «Atletiko»da ham xuddi biz kabi ambitsiyalar bor. Biz keyingi bosqichga o'tish uchun hamma narsani qilamiz», - dedi Kanselu jurnalistlarga.

«Atletiko»ga qarshi 1/4 finalning birinchi o'yinini «Barselona» chorshanba, 8 aprel kuni o'z uyida o'tkazadi. Javob o'yini 14 aprel kuni Madridda bo'lib o'tadi. Ushbu qarama-qarshilik g'olibi yarim finalda «Sporting» yoki «Arsenal» bilan o'ynaydi.