Hujumchi Ferran Torres katta ehtimol bilan shu yozda "Barselona"ni tark etadi. ElNacional.cat ma'lumotlariga ko'ra, Kataloniya klubi hujumchiga joriy mavsum yakunida sotilishi haqida rasman ma'lum qilgan.

Futbolchi "ko'k-anorranglilar" loyihasi rejalariga kirmaydi. Bu Torresning joriy yildagi mahsuldorligi pasaygani bilan bog'liq. Hujumchi bilan shartnoma imzolashga "Nyukasl", "Aston Villa" va "Tottenxem" klublari qiziqish bildirmoqda. "Barselona" Torresning sotuvidan 35 million evro ishlab olmoqchi.

Joriy mavsumda Ferran Torres "Barselona" safida 41 ta o'yin o'tkazib, 16 ta gol urdi va bitta golli uzatmani amalga oshirdi. Uning Kataloniya klubi bilan shartnomasi 2027 yil 30 iyungacha amal qiladi.