Madridning "Atletiko" hujumchisi Antuan Grizmann "Barselona" ustidan qozonilgan g'alabadan so'ng jamoadoshi Xulian Alvaresni maqtadi.

"Matraschilar" "ko'k-anorranglilar" bilan kechgan ilk chorak final bahsida zafar quchishdi (2:0). 45-daqiqada Alvares jarima zarbasidan gol urdi, 70-daqiqada esa Aleksandr Syorlot mehmonlarning ustunligini ikki barobarga oshirdi. 44-daqiqadan boshlab kataloniyaliklar bir kishi kam bo'lib o'ynashdi.

"Xulian o'zini juda yaxshi ko'rsatmoqda. U jamoaga ko'p foyda keltiryapti va umid qilamanki, u bizni Chempionlar ligasi finaliga olib chiqadi", – dedi Grizmann Movistar Plus+ telekanaliga bergan intervyusida.