"Atletiko Madrid" sport direktori Mateu Alemani "Barselona" yarim himoyachisi Mark Bernal vakili bilan muzokaralar o'tkazdi. Bu haqda Diario AS xabar bermoqda.

Manbaga ko'ra, ayni damda "matraschilar" katta salohiyatga ega yosh futbolchilarni qidirmoqda. Qayd etilishicha, klub 18 yoshli Bernalni yuqori baholaydi.

Joriy mavsumda Bernal barcha musobaqalarni hisobga olgan holda 28 ta o'yinda ishtirok etib, 5 ta gol urdi va 1 ta golli uzatmani amalga oshirdi.

Yarim himoyachining "Barselona" bilan shartnomasi 2029 yilgacha mo'ljallangan. Transfermarkt mutaxassislari ispaniyalikning narxini 30 million evroga baholamoqda.