«Barselona» sport direktori Deku jamoaning himoyadagi muammolari haqida o'z fikrlari bilan o'rtoqlashdi.

«Himoyada yuzaga kelayotgan muammolarimiz qaysidir bir futbolchi bilan bog'liq emas, bu g'oya masalasidir. Murabbiyimiz pressingga asoslangan ultra-hujumkor o'yin uslubiga sodiq qolmoqda. Qachonki pressing susaysa, bizning samaradorligimiz ham pasayadi. Biz o'z ortimizda bo'sh hudud qoldiramiz, ammo jamoa bu borada ancha oldinga siljidi», — deya Dekuning so'zlarini keltirmoqda Barça Universal.

«Barselona» Ispaniya La Ligasi turnir jadvalida 30 ta o'yinda 76 ochko jamg'argan holda peshqadamlik qilmoqda. Ikkinchi o'rinda borayotgan «Real» bilan farq 6 ochkoni tashkil etadi, biroq «ko'k-anorranglilar» hisobida yana bitta zaxira o'yini mavjud.