«Milan» qanot hujumchisi Rafael Leau «Barselona»ga o'tmaydigan bo'ldi. Bu haqda Diario SPORT nashri xabar bermoqda.

Manba bergan ma'lumotlarga ko'ra, «ko'k-anorranglilar»ga Leauni arzonlashtirilgan narxda sotib olish taklif qilingan, biroq klub endilikda futbolchining xizmatlariga qiziqish bildirmayapti. «Barselona» rahbariyati tarkibda qanot futbolchilari etarli deb hisoblaydi, shu sababli Leauning transferiga ehtiyoj yo'q.

Joriy mavsumda 26 yoshli portugaliyalik futbolchi barcha turnirlarni hisobga olgan holda 25 ta uchrashuvda maydonga tushib, 10 ta gol urdi va 2 ta golli uzatmani amalga oshirdi.

Nufuzli Transfermarkt portali ma'lumotlariga ko'ra, Leauning transfer qiymati 65 million evroni tashkil etadi.