«Monako»da ijara asosida to'p surayotgan hujumchi Ansu Fati mavsum yakunlanganidan keyin «Barselona»ga qaytmasligi mumkin.

Liga 1 klubi 23 yoshli futbolchini «ko'k-anorranglilar»dan joriy mavsum oxirigacha ijaraga olgan edi. Topskills Sports UK nashrining xabar berishicha, monegasklar rahbariyati Fatining transferini to'liq sotib olish niyatida. Shartnomada ko'rsatilgan 11 million evrolik sotib olish bandi katta ehtimol bilan faollashtiriladi.

Ansu Fati joriy mavsumda «Monako» safida 25 ta o'yinda maydonga tushib, 9 ta golni o'z hisobiga yozdirib qo'ydi. Ta'kidlash joizki, ispaniyalik futbolchi bor-yo'g'i o'nta uchrashuvni asosiy tarkibda boshlagan.