"Barselona" yarim himoyachisi Pedri doimiy ravishda maydonga tushish unga huzur bag'ishlashini tan oldi.

"O'yinlar orasida uzoq tanaffuslarsiz, muntazam va to'xtovsiz o'ynaganimda o'zimni yaxshiroq his qilaman", — deya Pedrining so'zlarini keltiradi Barça Universal nashri.

Joriy mavsumda 23 yoshli Pedri barcha turnirlarni inobatga olgan holda 35 ta o'yinda maydonga tushdi. U o'z hisobiga ikkita gol va o'nta golli uzatmani yozdirib qo'yishga muvaffaq bo'ldi.