"Barselona" hujumchisi Lamin Yamal jiddiy jarohatdan qutulib qoldi. Bu haqda Barça Universal nashri xabar bermoqda.

Avvalroq 18 yoshli futbolchi mashg'ulotlarni vaqtidan oldin tark etgani ma'lum bo'lgan edi. Biroq, manba bergan ma'lumotlarga ko'ra, tibbiy ko'rikdan so'ng Yamalda hech qanday jarohat aniqlanmagan. Vingerning "Espanol"ga qarshi bo'lajak o'yinda ishtirok etishi hozircha noma'lum. Ehtimol, Xansi Flik Yamalga dam berishga qaror qilar.

Joriy mavsumda Yamal barcha turnirlarda 42 ta o'yinda maydonga tushib, 21 ta gol urdi va 16 ta golli uzatma muallifiga aylandi.

Ispaniya chempionatining 31-turi doirasidagi "Barselona" va "Espanol" o'rtasidagi bahs 11 aprel kuni bo'lib o'tadi. O'yin Toshkent vaqti bilan soat 21:30 da boshlanadi.