«Barselona» hujumchisi Markus Reshford Ispaniya chempionatining 31-turi doirasida «Espanol»ga qarshi kechgan bahsdagi g'alabaga munosabat bildirdi. Kataloniyaliklar 4:1 hisobida zafar quchishdi. Reshford uchrashuvning 89-daqiqasida o'z ismini tabloga yozdirib qo'yishga muvaffaq bo'ldi.

«Bugun derbida ajoyib g'alabaga erishdik! Endi bor diqqat-e'tiborimiz seshanba kungi o'yinga qaratiladi», — deb yozdi ingliz futbolchisi ijtimoiy tarmoqlardagi sahifasida.

Seshanba kuni «Barselona» EChL chorak finalining javob uchrashuvi doirasida Madridda «Atletiko» mehmoni bo'ladi. Dastlabki o'yinda kataloniyaliklar 0:2 hisobida imkoniyatni boy berishgan edi.