Madridning «Atletiko» klubi bosh murabbiyi Diego Simeone jamoasining «Sevilya»ga qarshi o'yindagi (1:2) muvaffaqiyatsizligiga izoh berdi.

Argentinalik mutaxassis asosiy tarkib etakchilarining ko'pchiligiga dam berishga qaror qilib, maydonga eksperimental tarkibni tushirdi. Ligada qolish uchun kurashayotgan raqib esa «matraschilar»ni jazoladi va uch ochkoni qo'lga kiritdi.

Allaqachon seshanba kuni Chempionlar ligasi 1/4 finali doirasida «Atletiko» va «Barselona» o'rtasidagi javob uchrashuvi bo'lib o'tadi. Birinchi o'yin madridliklarning 2:0 hisobidagi g'alabasi bilan yakunlangan edi.

«Seshanba kungi o'yin haqida o'ylaganimiz uchun yutqazdikmi? Yo'q, yo'q. Biz «Sevilya» vaziyatlardan foydalanishda sovuqqonroq bo'lgani uchun mag'lub bo'ldik. Bizning rejamiz bor, u har doim ham ish beravermasligi mumkin, lekin men undan voz kechmayman», — dedi Simeone matbuot anjumanida.