«Barselona» yarim himoyachisi Mark Kasado klubni o'zgartirishga tayyorgarlik ko'rmoqda. 22 yoshli futbolchi «ko'k-anorranglilar» bosh murabbiyi Xans-Diter Flik uning xizmatlariga ehtiyoj sezmayotganiga nihoyat ko'nikdi va jamoadan ketishga qaror qildi. Bu haqda jurnalist Alfredo Martines xabar bermoqda.

Xavbek faoliyatini davom ettirishi mumkin bo'lgan eng ehtimoliy yo'nalish sifatida Saudiya Arabistoni chempionati ko'rilmoqda. Kataloniya grandi ushbu transferdan taxminan 20 million evro ishlab olishi mumkin.

Mark Kasado joriy mavsumda «Barselona» safida 30 ta o'yinda ishtirok etdi va o'z hisobiga bitta golli uzatmani yozdirib qo'ydi. Transfermarkt portali yosh ispaniyalik futbolchining transfer qiymatini aynan 20 million evroga baholamoqda.