«Barselona» fevral oyining o'rtalaridan beri La Ligada ochko yo'qotmayapti.

Xansi Flik jamoasi 33-turda «Selta»dan ustun keldi — 1:0. «Blaugrana» oxirgi ikki oy ichida o'tkazilgan barcha sakkizta o'yinda g'alaba qozondi. Ushbu uchrashuvlardagi umumiy to'plar nisbati — 21:5. Jamoa chempionatdagi so'nggi mag'lubiyatini 16 fevral kuni «Jirona»dan qabul qilib olgan edi (1:2).

25 aprel kuni «Barselona» «Xetafe» bilan kuch sinashadi.