«Barselona» vingeri Lamin Yamal mavsum oxirigacha safdan chiqdi.

18 yoshli futbolchi La Liganing «Selta»ga qarshi uchrashuvi (1:0) birinchi bo'limida penalti tepish vaqtida jarohat oldi. Avvalroq Yamalda son orqa mushagining yirtilishi shubha qilinayotgani haqida xabar berilgan edi.

Bugun «Barselona» matbuot xizmati tibbiy ko'rik Yamalda mushak jarohati borligini tasdiqlaganini ma'lum qildi. Lamin La Liganing joriy mavsumidagi qolgan o'yinlarni o'tkazib yuborishi, biroq Jahon chempionatiga qadar tayyor bo'lishi kutilmoqda.